२ सेप्टेम्बर २०२४ सोमवारका दिन शान्ति नेपाली समाजले तीज विशेष सांस्कृतिक सांगीतिक धमाका २०८१ कार्यक्रम The Conference Suite, West Bromwich मा सफलतापूर्वक सम्पन्न गर्यो।
कार्यक्रममा प्रमुख अतिथि गण्डकी प्रदेश, बाग्लुंग क्षेत्र नम्बर १, प्रदेश सभा २ का सांसद माननीय डिल्लीराम सुबेदी ज्यु हुनुहुन्थ्यो भने बिशेष अतिथि अमर माध्यमिक विद्यालय बिहुकोटका पूर्व प्रधानाध्यापक, शिक्षाका ज्ञाता हरी प्रसाद कडेल ज्यु हुनुहुन्थ्यो। शान्ति नेपाली समाज बेलायतका संस्थापक, पूर्व अध्यक्षहरू, सल्लाहकार ज्युहरू, कार्यसमिति सदस्यहरू लगायत अन्य महत्वपूर्ण व्यक्तित्वहरूको पनि उपस्थिति थियो। कार्यक्रमलाई सफल बनाउन भान्सामा खटिएका साथीहरू निशान्त मान बज्राचार्य, हिमाल श्रेष्ठ, सुमन बर्तौला लगायत धेरै साथीहरूले महत्वपूर्ण भूमिका निर्वाह गरे।
यस विशेष कार्यक्रममा नेपालबाट आएका राष्ट्रिय कलाकारहरू टिका सानु, बसन्त लम्साल र सपना गाहा मगरले शानदार प्रस्तुति दिए। मनकामना महिला समूहका दिदीबहिनीहरूले तीजका पारम्परिक गीतहरूमा नाचगान गरी कार्यक्रममा थप रौनक थपे। कार्यक्रमको संचालन संस्था महासचिव बिनोद थापाले गर्नुभएको थियो भने स्वागत मन्तव्य उपाध्यक्ष राम न्यौपानेले दिनुभएको थियो।
कार्यक्रमको उद्घाटन दियो प्रज्वलनबाट प्रमुख अतिथि र विशिष्ट अतिथिहरूले गरे। बिभिन्न संस्थाका आमन्त्रित अतिथिहरूले शुभकामना मन्तव्य राख्नुभएको थियो। बालबालिका तथा स्थानीय कलाकारहरूले नाचगान, कविता र लाखे नृत्य प्रस्तुत गरी सांस्कृतिक वातावरणलाई थप जीवन्त बनाएका थिए।
समारोहमा आकर्षक पुरस्कारसहित राफलको पनि व्यवस्था गरिएको थियो, जसले कार्यक्रमलाई थप रोमाञ्चक बनायो। विभिन्न कलाकार तथा अतिथिहरूलाई सम्मान पत्र प्रदान गरेर उनको योगदानको कदर गरियो। करिब १२०० जनाको उपस्थिति रहेको यो कार्यक्रम अत्यन्तै सफल र मनोरञ्जनपूर्ण रह्यो।
धन्यवाद 🙏
प्रविण खराल
अध्यक्ष
शान्ति नेपाली समाज बेलायत ।
